19 patay, lakip ang usa ka Briton, sa nahulog nga bus sa Nepal

Mokabat sa 19 ka tawo, lakip ang usa ka Briton, ang nakabsan sa kinabuhi human mahulog ang usa ka bus sa usa ka suba sa Nepal niadtong Lunes.

Matud pa sa kapulisan, ang maong bus nagbiyahe gikan sa dakbayan sa Pokhara paingon sa Kathmandu sa dihang  nahulog kini sa kapin 200 metros ngadto sa Suba sa Trishuli sa distrito sa Dhading.

Sa kinatibuk-ang 44 ka pasahero, 19 ang kumpirmadong namatay samtang 25 ang gipangdala sa ospital, lakip ang usa ka Chinese ug usa ka New Zealander nga naangol usab sa insidente.

Ang maong dapit naila sa mga aksidente diin kahinumduman nga niadtong Hulyo 2024, duha usab ka bus ang naanod sa susamang suba tungod sa landslide.