Gipasabot sa Malacañang nga dili ang Pilipinas ang mobayad sa 19% nga taripa, kundili ang US para sa mga produkto nga gi-import nila gikan sa Pilipinas.
Matud ni Frederick Go, Special Assistant to the President for Investment and Economic Affairs, nga dili ang Pilipinas ang mobayad sa 19% nga tariff rate, kundili ang Estados Unidos (US) ang magbayad niini alang sa mga produkto paingon sa U.S gikan sa atong nasud.
Giklaro ni Go, nga ang taripa gipatong sa mga produkto nga gikan sa Pilipinas, apan ang U.S ang mobayad niini, dili ang mga negosyante o exporters sa Pilipinas.
Gdugang pa niini, nga ang maong taripa mao ikaduha sa pinakaubos sunod sa Singapore, busa lauman nga mas daghang langyaw ag mamuhunan ug pilion ang Pilipinas sa pagtukod og negosyo.
Apan, gibutyag ni Go nga wala pa kini pinal kabutan, ug padayon pa ang negosasyon tali sa mga teknikal nga grupo sa Pilipinas ug sa US Trade Representative.
Muagi pa kinig prseso ug panaghisgot sa maong butang ug klarohon una kini ayha mahimong opisyal.