Landing sa balay tambalanan ang usa ka 19-anyos nga dalaga human ang nahitabong panagbangga sa duha ka motorsiklo sa Purok-7, Brgy. Poblacion, Valencia City, Bukidnon, karong adlawa, Marso 13, ning tuig, pasado ala-1:49 sa kaadlawon.
Nasayran nga nagbiyahe ang usa ka pula nga motorsiklo paingon sa Purok-11 samtang ang laing motorsiklo nagikan sa kaatbang nga direksyon, apan pag-abot sa atubangan sa estasyon sa usa ka gasolinahan, kalit nga niliko sa pikas lane ang kolor blue nga motorsiklo hinungdan sa grabeng panagbangga.
Tungod sa maong insidente, ang biktima nga back rider sa pula nga motor daling gidala sa Valencia Polymedic Medical Hospital aron matambalan, samtang padayon pa ang imbestigasyon sa Valencia CPS aron mailhan ang mga drayber sa maong wala pa marehistro nga mga sakyanan.