Gikatakdang 16,853 ka benepisyaryo sa Tulong Panghanapbuhay sa Ating Disadvantaged/Displaced Workers kon (TUPAD) program sa Department of Labor and Employment kon (DOLE) sa Bukidnon ang nakadawat ug tabang nga nagtinguha nga mapahugtan ang panginabuhi sa mga kabus nga Pilipino.
Sa eksklusibong pakighinabi sa Bombo Radyo kay Jessamie Jorquia, Senior Labor and Employment Officer sa DOLE Bukidnon Provincial Field Office nga ang maong proyekto adunay budget nga halos P90,000 ug kabahin niini aron dili na mobalik sa kakabus ang mga benepisyaryo gapahigayon ug actibidad ang DOLE sama sa training sa pagnegosyo, pagdumala sa kapital ug pagplano sa panginabuhi.
Saysay pa ni Jorquia, lakip sa ilang programa ang regular nga monitoring aron masiguro nga mapadayon sa mga benepisyaryo ang ilang nasugdan nga panginabuhi.
Gibutyag usab niini nga bisan adunay mga myembro nga nagpabilin nga lisod ang panginabuhi padayon ang suporta sa DOLE aron matabangan sila nga makabangon ug makabarog sa kaugalingong negosyo