Mukabot sa 16 ka tawo ang namatay samtang kapin sa 400 ang nasamdan human nagkasangka ang mga kapulisan ug mga nagprotesta sa Kenya.
Nagpahigayon og protesta ang mga tawo alang panawagan ang pagpatangtang ni President William Ruto tungod sa mga kaso sa paglapas sa tawhanong katungod sa gobyerno.
Misulay pa ang mga nagprotesta nga sudlon ug kuhaon ang balay ni Ruto, apan napakyas kini tungod sa kadaghan sa mga kapulisan nga gibutang sa palibot.
Nagbutang usab og mga barikada ang kapulisan sa nagkalain-laing mga building nga gipanag-iya sa gobyerno aron mapugngan ang mga nagprotesta nga mosulod o mokaduol.
Padayon usab ang panawagan ni Ruto sa mga nagprotesta nga undangon na ang ilang kalihokan diin magresulta kini sa kasamok ug makaguba sa kalinaw ug kahapsay sa ilang nasud.