16 ka wanted person ang malampusong nadakpan sa kapulisan sa lalawigan sa Bukidnon sulod lamang sa usa ka semana nga walay hunong nga operasyon sugod Nobyembre 10 hangtod Nobyembre 16, 2025.
Sa eksclusibong pakighinabi sa Bombo Radyo kay PCapt. Sheila Joy Jangad, tigpamaba sa Bukidnon PNP, nga ang dagkong resulta sa operasyon naglakip sa 15 ka drug operations diin 23 ang nadakpan ug lagpas ₱2 milyon ang kantidad sa nakuptan nga ilegal nga droga.
Gidugang pa niini nga 6 ka indibidwal ang nasikop ug 11 ka armas ang narekober pinaagi sa operasyon batok iligal nga armas, samtang 2 ka tawo ang nadakpan may kalambigitan sa iligal nga tari-tari.Samtang adunay pagkunhod sa iligal nga sigarilyo karong semanaha.
Dugang pa ni Pcapt Jangad, gamay ra ang nadiskobrehan diin layo kini sa dakong kantidad nga nasakmit sa miaging semana sa Dakbayan sa Valencia nga misaka ug kapin ₱3 milyon ang balor.