16 ka reams ug 55 ka packs sa smuggled nga sigarilyo, nakumpiska sa San Fernando, Bukidnon

Mukabat sa dul-an P18, 000 ang nakumpiskang smuggled nga sigarilyo sa Purok-1, Halapitan, San Fernando, Bukidnon.

Nasakmit ang maong mga smuggled nga sigarilyo gikan kang alyas “Titay”, 40 anyos, ug kauban niining lalaki nga si alyas “Bulantoy” 39 anyos nga naaktohan nga namaligya sa maong mga illegal nga sigarilyo.

Narekober sa kapulisan ang 16 ka reams ug 55 ka packs sa smuggled nga sigarilyo nga nagkantidad sa P17,200.

Ang mga dinakpan ug nakumpiskang smuggled nga sigarilyo anaa na sa kustodiya sa San Fernando Municipal Police Station alang sa hustong diposasyon.