Naabot na sa syudad sa Malayabalay, karung adlawa, Mayo 5, 2025, ang ACM kon Automated Counting Machine nga gamiton sa umaabot Mayo 12.
Ang proseso sa eleksyon naglakip sa sunod-sunod nga mga lakang nga gidisenyo aron masiguro ang patas, gawasnon, ug transparent nga eleksyon.
Sa konteksto sa Pilipinas, ang proseso sa eleksyon naglakip sa pipila ka mahinungdanong mga lakang, gikan sa pagrehistro sa mga botante ngadto sa aktwal nga pagbotar ug pag-ihap sa mga boto.
Sumala ni Atty. Danilo Dividina, Election Officer sa Comelec sa syudad sa Malaybalay nga gihatod na ning adlawa ngadto sa 157 ka mga presinto alang sa 46 ka mga barangay.
Matod pa nga by cluster ang matag presinto, nga dunay dul-an 1000 ka registered voters per cluster precinct. Lakip usab sa ACM ang 157 ka mga ballot boxes ang gipanghatod Subay sa datos, dunay 124, 813 registered voters ang Malaybalay City.
Naghisgot usab si Dividina mahitungod sa signal ug target nga oras.
Matod pa sa abogado nga gumikan sa implemented automation law, napadali ang proseso sa eleksyon ug dili na maglisod ang electoral boards sa pag-adto sa canvassing venue.
Duna may higayon nga mahinay ang signal apan dili kini hinungdan aron dili makatransmit sa mga boto.