15 ka naluwas ug lawas sa 2 ka namatay nga crew sa M/V Devon Bay anaa na sa kustodiya sa PCG

Miabot na sa Maynila ang barko sa Philippine Coast Guard nga BRP Teresa Magbanua karong Lunes sa buntag, Enero 26, nga sakay ang 15 ka Pilipinong tripulante nga naluwas ug ang lawas sa duha ka namatay gikan sa naunlod nga M/V Devon Bay.

Ang insidente nahitabo niadtong Huwebes, Enero 22, 2026, sa dapit sa Bajo de Masinloc o Scarborough Shoal.

Human madawat ang report mahitungod sa pag-unlod sa barko, diha-diha nga nagpahigayun og rescue operation ang kagawaran.

Sumala sa mga awtoridad, luwas nga nasakay sa BRP Teresa Magbanua ang mga survivor, samtang gihatod ang mga namatay aron mauli sa ilang mga pamilya.

Padayon ang imbestigasyon sa mga awtoridad  aron matino ang hinungdan sa pag-unlod sa M/V Devon Bay.