(14) ka mga estudyante nga anak sa mga kanhing rebelde ang nakadawat og scholarship gikan sa 88th Infantry Brigade pinaagi sa bagong gilunsad nga 88 IB Scholarship Program.
Sa eksklusibong pakighinabi sa Bombo Radyo Malaybalay, Bukidnon kay Lt Col Jeorge Jallorina, Officer-in-Charge sa 88th Infantry Brigade, nga ang mga benepisyaryo sa programa gihatagan og allowance, bayad sa school fees, ug uban pang tabang pinansyal. Apan, gikinahanglan nga ilang ma-maintinar ang ilang grado aron magpadayon ang ilang scholarship.
Ang maong programa kabahin sa paningkamot sa kasundalohan sa pagtabang sa reintegrasyon sa mga kanhing rebelde pinaagi sa edukasyon sa ilang mga anak.
Gawas sa suporta sa militar, adunay sab mga stakeholders ug sponsors nga mitabang sa pag-sustener sa programa.Dugang pa ni Col. Jallorina, karong tuiga pa gisugdan ang 88 IB Scholarship Program ug dako ang iyang paglaum nga magpadayon kini sa umaabot aron mas daghan pang kabataan ang matabangan ug makab-ot ang ilang mga damgo.