12 ka motorsiklo na-impound sa gipalig-on nga kampanya batok “bora-bora” sa dakbayan sa Malaybalay

12 ka motorsiklo ang na-impound sa operasyon  sa namugnang task force batok sa saba nga tambutso o “bora-bora” niadtong Biyernes sa gabii sulod sa capitol compound sa dakbayan sa Malaybalay.

Tumong sa maong lakang nga hingpit masumpo ang kasaba sa kadalanan ug madisiplina ang mga motorista nga naggamit og dili hustong ekipo.

Matud sa buhatan sa City Traffic Management , ang mga nasita naglakip usab sa paggamit og ilegal nga blinkers, tabon sa plaka, ug problema sa suga ug rehistro sa sakyanan.

Gilaoman nga magpadayon pa ang mga surprise operations sa mosunod nga mga adlaw aron hingpit nga malimpyohan ang kadalanan gikan sa mga badlongon nga drayber.