MALAYBALAY CITY – Paningkamutan sa tanan 117 ka atleta gikan sa syudad sa Malaybalay nga musalmot sa Batang Pinoy nga ipahigayon sa General Santos City.
Sa exclusibong pakighinabi sa Bombo Radyo Malaybalay kay Coach Princess Troye Papasin, ilang tumong nga makakuha ug medalya ang mga atleta aron makahatag ug dungog sa dakbayan apan kung unsa lang ang ilang makaya mapasalamaton gihapon sila sa oportunidad nga makapakita sa ilang talento.
Saysay pa ni Coach Papasin nga hugot kaayo ang ilang preparasyon alang sa kompetisyon ilabi na sa natad sa Arnis tungod kay adunay taas nga oras sa training alang ilang gihimo alang sa pagpangandam.Gidugang pa niini nga dakog tabang ang suporta nga nadawat gikan sa syudad, diin matag atleta adunay budget nga P7,000.
Lakip niini ang ilang transportasyon, uniform, allowance ug meal allowance aron masiguro nga komportable ug andam sila sa kompetisyon.Pinaagi sa pag-apil sa Batang Pinoy, gilauman nga mas maila pa sa Pilipinas ang Malaybalay sa natad sa sports ug makahatag ug inspirasyon sa kabatan-onan nga nagpadayon sa pagpangandam alang sa sports development.