- Advertisement -
Gipangandaman sa dakbayan sa Malaybalay ang partisipasyon sa 117 ka atleta nga mosalmot sa Batang Pinoy 2025 nga ipahigayon sa General Santos City. Matod ni Malaybalay City Sports Coordinator Al Adrian Antipasado sa pakighinabi sa Bombo Radyo Malaybalay, lima ka bulan ang gilawig sa pagpangandam sa mga atleta nga magrepresentar sa siyudad sa nagkadaiyang kategorya sa torneo.
Gipasabot usab niya nga adunay nakahikay nga insentibo gikan sa lokal nga kagamhanan alang sa mga mananaog isip pag-ila sa ilang paningkamot ug kalampusan. Bisan pa sa lahi-lahi nga klima sa Gensan, gipakita sa mga atleta sa Malaybalay ang determinasyon ug kadasig nga makadaug ug makadala ug medalya alang sa siyudad.
- Advertisement -