10 patay huaman masunog ang usa ka balay tambalanan sa India

Patay ang napulo ka indibidwal human sa nahitabong sunog sa usa ka trauma center sa usa ka pampublikong tambalanan sa Odisha, India.

Ang tanang nakalas mga pasyente sa maong ospital, samtang aduna usab onse ka mga staff nga padayong nagpaalim tungod sa mga samad nga naangkon sa nagkalain-laing bahin sa lawas.

Base sa inisyal nga imbestigasyon sa mga awtoridad, gituohang nagsugod ang kalayo gumikan sa usa ka electrical short circuit sulod sa pasilidad.

Sa pagkakron padayon pa ang gihimong pakisusi sa mga opisyal aron matino ang tibuok detalye ug uban pang posibleng hinungdan sa maong makalilisang nga trahedya.