Kasamtangang nagpadayon ang 10 ka adlaw nga registration para sa mga bag-ong botante, nga gipasiugdahan sa buhatan sa Comelec sa mga distrito sa nagkalain-laing lugar alang sa umaabot nga bugnong lugaynon sa mga lokal nga kagamhanan.
Kini alang sa mga residente nga buot marehistro para sa umaabot nga Barangay ug Sangguniang Kabataan (BSK) elections sa Disyembre 1, 2025.
Ang maong proseso nagpadayon bisan pa sa pagkumpirma ni Comelec Chairman George Garcia nga posibleng pirmahan na ni Presidente Bongbong Marcos ang balaod nga nagtakda sa opisyal nga pagsugod sa registration sa Agosto 12 karong tuiga.
Matud ni City Election Officer Atty. Ramil Acol sa Comelec District 2, wala silay nadawat nga mando gikan sa ilang mga komisyonado nga muhunong sa kasamtangang registration period, nga molungtad sulod sa napulo ka adlaw.
Dugang pa niya, nagpadayon ang ilang serbisyo alang sa mga gustong magparehistro, nga kasamtangang gipahigayon sa pipila ka lugar sa nasud.