- Advertisement -
Gikumpirma sa kapulisan nga anaa nay persons of interest sa kaso sa pagpamusil sa duha ka babaye sa Initao, diin usa ang namatay ug usa ang naangol.
Sumala ni PMAJ Ronnie Continedo, hepe sa Initao Municipal Police Station, human mag-inom sa Cagayan de Oro ang mga biktima ug ang suspetsado, gidala sila sa Brgy. Tubigan, Initao ug didto gipusil, nga maoy hinungdan sa kamatayon ni Jovie Reyna Esceyo, 31 anyos, samtang ang menor de edad niyang kauban nakaikyas bisan pa sa samad pinusilan.
Sa pagkakaron, padayon ang manhunt operation sa Misamis Oriental Police Provincial Office aron madakpan ang mga responsable ug matino ang motibo sa krimen.
- Advertisement -