Kabsan sa kinabuhi ang driver sa motorsiklo human makaangkon og grabeng samad ug bun-og sa lawas sa natigayong disgrasya pasado alas 4:00 sa hapon niadtong Pebrero 22, 2026 sa National Highway, Purok 7, Barangay Poblacion, Dangcagan, ug nailhan sa alyas Ryan nga anaa sa hustong edad.
Sa imbestigasyon, nasuta nga nisulay og overtake ang motor sa laing sakyanan nga miresulta sa panagbangga niini sa kasugat nga truck.
Samtang naangol ang driver sa motorsiklo human kini mabanggaan sa usa ka pick-up truck pasado alas 1:00 sa hapon niadtong adlawng Domingo sa Sitio Manlubaynon, Barangay Dominorog, Talakag, Bukidnon.
Sumala sa imbestigasyon, nibuto ang atubangang ligid sa pick-up nga nagbiyahe gikan sa General Santos City paingon sa Cagayan de Oro City, hinungdan nga nawad-an og kontrol ang drayber ug nabanggaan ang motorsiklo nga padulong sa Wao, Lanao del Sur gikan sa Talakag Proper.
Tungod sa nahitabo, nalagpot ang 28-anyos nga drayber sa motor nga giila sa alyas “Pawix” ug gidala sa ospital sa Cagayan de Oro City, samtang ang mga sakyanan ug ang driver sa pick-up gidala sa Talakag Municipal Police Station alang sa dugang imbestigasyon.