Nakaangkon og samad sa lawas ang 27-anyos nga drayber sa usa ka Bongo human masangit sa head-on collision tali usa ka sa truck karong adlawa takna alas 5:00 sa buntag sa Sitio Mahindang, San Vicente, Sumilao, Bukidnon.
Sumala sa inisyal nga imbestigasyon sa Bukidnon Police Provincial Office, ang truck gikan sa Impasug-ong paingon matud pa sa Cagayan de Oro aron magdeliver og plywood samtang ang Bongo kusog nga nagdagan paingon sa habagatang direksyon sa kurbadang dalan.
Gituohang misulay og sulod kini sa pikas lane nga maoy hinungdan sa panagbangga sa duha ka sakyanan.
Gidala dayon sa Sumilao Rescue Team ngadto sa Bukidnon Provincial Hospital ang nasamdan samtang ang drayber sa truck anaa karon sa kustodiya sa Sumilao MPS alang sa hustong disposisyon.