Gipahibalo ni Executive Secretary Ralph Recto nga adunay moabot nga 1.04 milyon ka bariles nga diesel sa nasud, diin ang unang batch gipaabot nga moabot karong semanaha.
Ubos sa panguna ni Energy Secretary Sharon Garin, gisiguro sa gobyerno ang maong gidaghanon sa diesel aron matubag ang panginahanglan sa enerhiya.
Gawas niini, gilauman usab ang makanunayon nga suplay sa coal gikan sa Indonesia alang sa Pilipinas.
Sa laing bahin, gikumpirma usab ni Presidente Ferdinand Marcos Jr. nga pabilin nga adunay igong suplay sa krudo ang nasud nga molungtad hangtod sa Hunyo 30 karong tuiga.
Kahinumduman nga niadtong Marso 23, niabot na sa nasod ang kapin 700,000 ka bariles nga Russian crude oil nga gi-order sa Petron.
Sumala sa Department of Energy (DOE), ang kasamtangang suplay sa lana sa nasud molungtad og hangtod sa 45 ka adlaw.