Gipahigayon ang usa ka groundbreaking ceremony alang sa umaabot nga pagtukod sa bag-ong school building nga magsilbi sa mga estudyante sa Grade 9 ug 10 sa Barangay Bontungon, lungsod sa Impasug-ong, Bukidnon.
Sa eksklusibong pakighinabi sa Bombo Radyo Malaybalay kay BGen. Seigfred Tubalado, Commander sa 403rd Infantry Brigade nga ang proyekto kabahin sa School Adopt Program nga giduso sa 8th Infantry Battalion.Sumala ni BGen. Tubalado, ang maong programa nagtumong sa pagpalambo sa edukasyon sa mga kabatan-onan ug sa komunidad.
Gi-awhag usab niini ang tanang stakeholders lakip na ang mga lokal nga opisyal, non-government organizations, ug mga pribadong sektor nga mutabang ug musalmot sa maong inisyatibo pinaagi sa paghatag og suporta alang sa pagtukod sa maong pasilidad.
Dugang pa ni BGen. Tubulado, ang programa dili lamang limitado sa pagtukod sa eskwelahan apan usa sab kini ka paagi aron matabangan ang komunidad nga makab-ot ang kalamboan ug kalinaw.