₱68K nga balor sa shabu ug 4 ka indibidwal, sikop sa Malaybalay

Nakumpiska ang kapin ₱68,503.20 balor sa gituohang shabu ug nasikop ang upat ka indibidwal sa operasyon sa kapulisan sa Malaybalay City, Bukidnon niadtong milabayng adlaw.

Gidakop ang usa ka 30-anyos nga lalaki nga giingong anaa na sa watchlist, lakip usab ang duha ka lalaki ug usa ka babaye nga gituohang bag-ong tigpayuhot sa ilegal nga droga, alas 3:22 sa hapon sa Purok 5, Brgy. 9 pinaagi sa joint operation sa Malaybalay City Police Station. Nakuha gikan kanila ang 10.074 gramos nga shabu, usa ka .38 caliber revolver, mga bala, kwarta ug cellphone.

Gidala na ang mga suspetsado sa Malaybalay City Police Station alang sa hustong disposasyon.