₱4M nga farm equipment natagamtaman sa mga mag-uuma sa Managok, Malaybalay City

Nadawat sa mga uuma  denhi sa syudad  ang combine harvester ug tractor nga adunay rotavator ug dozer para sa  Managok Irrigation Association isip hinabang gikan sa City Government.

Ang maong ekipo nagkantidad og kapin ₱4 milyones.

Ang maong mga kagamitan  gitunol isip tabang sa mga mag-uuma panahon sa ilang ani  sa humay ug mais, pag-rotavate sa mga basakan, ug pag ugmad sa yuta para ilang matamnan.

Gipahibalo nga ang asosasyon adunay 310 ka ektarya nga service area ug 135 ka miyembro diin ang nakapahimulos niin miagi kini sa proseso apila na ang pagduso sa letter of intent sa kagamhanan.

Gipasalamaton sa  mga benepisyaryo ang syudad gumikan dako  kini nga tabang sa alang sa produksyon sa agrikultura.